UEUk Eibarko Markeskua Jauregian antolatzen dituen ikastaroen artean gurasoei zuzendutako bat dago:”Arreta falta eta hiperaktibitatea duten ikasleekin modelatze-lana“.

Ikastaroa ostegunetan izango da:  azaroaren 3an, 10ean, 17an, 24an eta abenduaren 1ean. Guztira 15 ordu eta matrikularen prezioa 105 eurokoa izango da.

Matrikulatzeko epea urriaren 28an amaituko da eta klaseak azaroaren 3an hasiko.

Arreta-falta eta hiperaktibitatearen gero eta kasu gehiago agertzen dira gure geletan. Horiek ulertzen saiatuko gara, diziplina arteko askotariko ikuspegi batetik: neuropsikologia eta hezkuntza-korronte berriak aztertuz. Haurrak, eta beraien familiak, ulertu ahal izateko eta haiei laguntza egokia emateko baliabide praktikoak landuko ditugu, haurrentzat zein helduentzat.

Irakaslea

• Naiara Gorroño Viteri: Ikus-entzunezko zientziatan lizentziatua. Berrikuntza didaktikoen Masterra burutzen eta inteligentzia anitzak ikertzen dihardu.

Helburuak

• Haurrei ulertzeko gakoak eskaintzea eta irakasle eta gurasoen jarrerak aztertzea.
• Arreta-falta eta hiperaktibitatea duten ikasleen egoera hobetzeko estrategiak ezagutzea.
• Arreta- eta kontzentrazio-ariketak lantzea.
• Komunikazio-estrategiak ezagutzea.

Informazio guztia UEUren webgunean bertan.