Mogeleko atletak irabazle Gipuzkoako txapelketetan

Azken asteotan ospatu dira Gipuzkoako eskola-arteko atletismo txapelketak. Alebinen (11-12 urte) eta infantilen mailetan (13-14) dominak lortu dituzte gure atletek. Banaka lortu dituzten hainbat domina ahaztu gabe, taldeka egindako txapelketak azpimarratu nahi ditugu.

Infantiletan neskak Gipuzkoako txapeldun izan dira sailkapen orokorrean. Alebinetan, berriz, mutilak Gipuzkoako txapeldun eta neskak bigarren.

Eibarko atleta guztiek talde bakarrean elkartuta konpetitzen dute, ikastetxe guztietakoak. Eskola-arteko txapelketa izanik, guztiek Iturburu/Mogel ikastetxeen izenarekin konpetitzen dute, atleta gehien dituen ikastetxea delako, baina taldeetan hainbat ikastetxetako ikasleak elkartzen dira eta Eibarko Klub Deportiboaren ardurapean konpetitzen dute.

Zorionak atleta guztiei!

Neska infantilen taldea, Gipuzkoako txapeldun.

Alebinak: Ituruburu Gipuzkoako txapeldun mutiletan eta bigarren nesketan.

Alebin nesken erreleboen taldea, Gipuzkoako txapeldun.

Alebin neskak.

Eibarko alebinen taldea.

 

Berriak, Mogel ikastola atalean publikatua | Iruzkin bat utzi

“Kirola Euskaraz Bizi” egunerako abestiak

Oso gutxi falta da “Kirola Euskaraz Bizi” egunetarako. Olinpiada Handia ekainaren 3an izango da; eta Olinpiada Txikia ekainaren 10ean.

Hemen dituzue egun horietan abestuko ditugun kantuak. Benga! Praktikatu etxean, abestu zuen seme-alabekin, etorri kantatzeko prest Iturburura!

Laster arte!!

Olinpiada Handirako (ekainak 3):

Olinpiada Txikirako (ekainak 10):

Ekitaldiak, Guraso Elkartea, Mogel ikastola atalean publikatua | Iruzkin bat utzi

Ikastolako arropa salgai Askasibar kirol dendan

Aurten ere Ikastolako arropa salgai egongo da Askasibar dendan. Beti bezala, kamisetak, sudaderak eta frakak (mallak, piratak,…) egongo dira salgai.

20150504_171753Euskaraz Bizi egunerako izan nahi baduzue, joan lehenbailehen zuen eskaera egitera dendara.

Iaz kamiseten salmentarekin Iturburuko jolastokirako saskibaloirako saski txikiak erosi genituen (laster ipiniko dituzte jolastokian), eta orain bi urte musika gelarako teklatua.

Aurten, kamisetekin lortzen den diruarekin,  ingeleseko ekitaldi, antzerki eta bestelako jardunaldietarako mikrofono dotore bat erosi nahi dugu. Animatu denok zuen kamiseta gorria erosi eta janztera!

Gogoratu: Kirola Euskaraz Bizi egunetarako (ekainaren 3an handiena; ekainaren 10an txikiena), guztiok ere kamiseta eta sudadera gorriekin Iturburura. Baita gurasoak ere!

Hona hemen prezioak:
erropa

Berriak atalean publikatua | Iruzkin bat utzi

“Nola landu euskararen inguruko motibazioa eta kontzientziazioa seme-alabekin”, maiatzak 4an gurasoentzat saioa

Datorren ostegunean, maiatzak 4, oso hitzaldi interesgarria izango dugu: haurren artean euskara erabilera sustatzeko tresnak eskainiko dizkigu Paula Kasaresek. Euskararen inguruko motibazio eta kontzientziazio saioa izango da. Umeentzat zaintza-zerbitzua egongo da.

  • Lekua: Mogel Isasi
  • Eguna eta ordua: maiatzak 4, osteguna, arratsaldeko 6.30etan.
  • Zaintza-zerbitzua egongo da umeentzat.

Guraso Elkarteak gure seme-alaben erabilera datuak jaso ditu, eta azken urteotan zenbait datu kezkagarri sumatu ditugu. Euskara-erabilera oso handia da 9-10 urtera arte (%80-90 ingurukoa), baina Iturburuko azken zikloan gaztelania sendotzen hasten da (6. mailako ikasleen %40 inguruk gaztelaniaz egiteko ohitura handia du, baita ikastetxean bertan ere), eta DBHn joera hori nagusitu egiten da, gutxika-gutxika gaztelania bihurtuz gure seme-alaben koadriletako hizkuntza nagusi eta ia bakar.

Zer egin dezakegun gurasook egoera hori iraultzeko? Gure gazteak “euskal hiztun oso” bihurtzeko? Kasaresek horretarako tresna eta baliabide batzuk emango dizkigu osteguneko saioan.

Paula Kasares (Iruñea, 1969) soziolinguistikan doktorea da, Nafarroako Unibertsitate Publikoko irakaslea eta elebitasun goiztiarraren nahiz haurren euskarazko sozializazioaren arloetan ikertzailea eta dibulgatzailea.

Haurrak hiztun bilakatzeko bidean familiaren eragina agerikoa da. Gurasoen hizkuntza gaitasunak ez ezik, haien hizkuntza portaerek, jarrerek eta balioek ere baldintzatuko dute hein handi batean etxean eta, oro har, eskolaz kanpo neska-mutikoek euskararekin izanen duten harremana. Bestalde, ikasleek ikastetxean egiten duten hizkuntza ikasketa eta eskolaz landa haurrek duten hizkuntza erabilera loturik doaz biek elkar osatzen eta indartzen baitute.

Saioak xede hauek ditu:

  • Haurrei euskaraz egiteko motibazioa eta aukerak handitzea.
  • Aita-ama euskaldunak beren hizkuntza portaeren eraginaz eta seme-alabak euskaldun hazteko egin ditzaketen hautuen ondorioez jabearaztea.
  • Begiraleei haurren hizkuntza jokaeretan duten rolaz jabearaztea eta hizkuntza dinamizazioa, erabilera pizteko estrategiak eta motibatzeko bideez janztea.
  • Saioan gurasoei eta haurrak zaintzen dituzten helduei oro har, neska-mutikoak hiztun bilakatzeko prozesuan duten egitekoaz eta eman dezaketen laguntzaz ohartarazi nahi zaie.

Edukiak honako hauek izanen lirateke:

  • Haurrak nola bilakatzen diren hiztun.
  • Haurrak dituzten beharrak: motibazioa eta erabiltzeko aukerak.
  • Haurren hizkuntza portaerak ulertu. Familia eta ingurune soziolinguistikoa.
  • Haurrak euskara erabiltzeko motibazio bideak.
  • Hizkuntzaren dinamizazioa, euskararen erabilera sustatzeko bideak.
  • Hizkuntza jolasgai hartzea (ipuinak, kantak…).
  • Zuzenketak saihestu. Birformulazioen eta ereduen garrantzia.
  • Elkarrizketa sustatu “Euskaraz egin ezazue!” horretatik haratago.

 

Ekitaldiak, Guraso Elkartea atalean publikatua | Iruzkin bat utzi

Guraso Elkartearen urteko Batzar Orokorra asteazkenean (apirilak 26)

Datorren asteazkenean, apirilak 26, Guraso Elkartearen urteko Batzar Nagusia egingo dugu. Urteko jardunaren errepasoa egiteko aprobetxatuko dugu, eta zure ahotsa eta galderak entzuteko ere aprobetxatu nahiko genuke. Ikastetxeen bateratzeari buruzko informazioa ematen ere saiatuko gara.

Bi deialdi egingo ditugu. HH eta LH mailetako haurren gurasoak arratsaldeko 6etan (Sansaburu, Argatxa eta Iturburuko ikasleak); eta DBH arratsaldeko 7etan (Mogel Isasiko ikasleen gurasoak).

  • Lekua: Mogel Isasi.
  • Eguna: apirilak 26.
  • Ordua: 18.00 (HH-LH, 3-12 urteko haurren gurasoak) eta 19.00 (DBH).

Oharra: ikastetxeen bateratzea dela eta ,aurten LHko 6. mailan dauden ikasleen gurasoak, DBHko Biltzar Nagusira gonbidaturik ere badaude

Zu ere bertan egotea eskertuko genuke.

Gai-ordena:

  • 2016ko diru-kontuak eta 2017ko aurrekontua
  • 2016-2017 ikasturtearen laburpena
  • DBH bateratze prozesuaren inguruko informazioa

agur bero bat,
Mogel Guraso Elkartea

…………….

Kaixo guztioi,

Os convocamos a la próxima reunión que celebraremos en Mogel Isasi el próximo miércoles 26 de abril, a las 18.00 (padres/madres de alumnos de Infantil y Primaria, 3-12 años) y 19.00 (DBH, secundaria)

Los padres que este año tengan a sus hij@s en 6º de Iturburu, estáis invitados a participar también en la reunión de DBH/Secundaria, ya que se hablará de la unificación de centros.

Agradeceríamos tu presencia,

agur bero bat,
Mogel Guraso Elkartea

Guraso Elkartea atalean publikatua | Iruzkin 1

“Adingabeak eta Internet: arriskuak eta nortasun digitala”, ikastaroa Markeskuan

Apirilaren 26an  “Adingabeak eta Internet: arriskuak eta nortasun digitala” ikastaroa hasiko da Markeskuan (apirilaren 26an, maiatzaren 3an, 10ean eta 17an, 17:00etatik 20:00etara). Prezioa 63/75/84 eurokoa da (bazkideak/langabeak/arrunta), baina Eibarko udalak erdia ordaintzen du.

Zein arrisku daude Interneten gaztetxoentzat?  Nola saihestu ditzakegu gurasoek arrisku horiek? Zer nolako garrantzia du nortasun digitalak?

  • Lekua: Markeskua
  • Orduak: 12 ordu (4 egun, asteazkenetan, 17.00-20.00)
  • Egunak: apirilak 26, maiatzak 3, 10 eta 17.

Familiek adingabeen errealitate digitala ezagutzea funtsezkoa da. Horregatik, Eibarko adingabeen errealitate digitala aztertzen ari gara. Horretarako, Eibarko ikastetxe guztiei eskaera luzatu genien, LH 5-6 eta DBH 1-2ko ikasleek galdetegi labur bat osatzea eskatuz (modu anonimoan). Zuen seme-alabek dagoeneko bete dute galdetegi hori.

Eibarren egin dugun galdetegi honetako emaitzetan oinarrituta egingo da ikastaro hau, horregatik, guraso eibartarrei dei berezia egiten diegu ikastaro honetan parte hartu dezaten gai honetan hausnarketa egin eta irizpideak argitzeko. Gainera, Eibarko Udalak diruz laguntzen du ikastaro hau.

Informazio gehiago nahi baduzu edo matrikula egiteko, HEMEN sakatu, edo deitu ondorengo telefonora (UEU – Markeskua): 943 82 14 26.

Berriak atalean publikatua | Iruzkin bat utzi

Badator Korrika Eibarrera!

Joan zen asteburutik herririk herri dabil Korrika Euskal Herri osoan zehar. Otxandion hasi da aurtengo ekitaldia, eta Iruñean amaituko da datorren domekan jaialdi handi batekin.  Bitartean, herririk herri dabil, irudi zoragarriak utziz.

Eibarrera datorren ostiral gauean helduko da (apirilak 7), eta guraso eta ikasle guztiak animatu nahi ditugu Korrikan parte hartzera. Gaueko 11ak aldean zeharkatuko du Eibar. Juan Antonio Mogel Ikastolak Bidebarrieta-Urkizu aldean eramango du lekukoa. Ikastolak lekukoa eramango duen tartea:

  • Guraso Elkarteak: Aurrera eraikinetik Urkizura
  • Ikastetxeak eta irakasleek: Urkizutik Barrenaraino.
  • Ordua: 23.00 (ostirala, apirilak 7)

Jantzi dezagun guztioak Ikastolako kamiseta/sudadera gorria, eta egin dezagun guztiok Korrika euskararen alde!

 

Berriak, Ekitaldiak atalean publikatua | Iruzkin bat utzi