Utz diezaiegun autonomoak izaten: Montessorin taula, adin bakoitzean zer egin dezaketen jakiteko

Gurasoak eguneroko lanetara ezin-iritsita eta seme-alabak autonomiarik gabe, horrela gabiltza etxe askotan. Maria Montessori pedagogoak proposatutako jarduerekin egindako taula duzue hemen, adin bakoitzean zer egin dezaketen jakiteko aukera ematen duena.

Utzi hazten

Askotan gertatzen da ume-txiki eusten ditugula umeak, adinean aurrera joan arren jaten eman, jantzi eta garbitu egiten ditugulako, dagoeneko bere kasa moldatzeko adina izan arren. Errutinaren ondorioz eta eraginkortasun izenean ez diegu ezer egiten uzten, eta halako batean konturatzen gara inutilak hazten ari garela, nagusien erabateko menpeko diren tirano txikiak.

Adibidez, asteburua iritsita, janzteko denbora izanda ere, umeak geronek janzten ditugula, bere kasa moldatzeko gai izan arren. Edo, umeak egarria badu, nagusi bati eskatu behar izaten dio, plastikozko edalontzi bat bere eskura utzi beharrean.

Behartu ez, baina hazten lagundu bai

Pedagogoek diote ez dela lanak azkarregi hartzera behartu behar, baina kontrara ere ez, ez zaizkiola hankak moztu behar hazi nahi duenari. Umeak hazi eta autonomia eskuratzeko duen gogoari erantzuten asmatzean dago gakoa. Horretarako, aukera eman eta lorpen bakoitza azpimarratu eta txalotzea da bidea, autonomia gozagarri gerta dakiola.

Hona hemen Montessoriren irakaspenetan oinarritutako taula, adin bakoitzean umeak zer egiteko gai diren gutxi-gora-behera kokatzen laguntzen duena, baina batez ere, ideiak emateko balio dezakeena.

Ume-autonomoak-Montessorin-taula.png

Noski, orain arte ezer egin ez badu, ezin ba egun batetik bestera bere adineko zutabea egin arazi. Akaso aurreko zutabeekin hasi beharko zara, probatzen eta jolasten. Ez du ajola 7 urte baditu eta 2-3 urteko zutabearekin hasi behar bazara. Edo 10-11koen zutabea badagokio. Progresio moduko bat da, gutxi gora beherakoa, bakoitzak bere etxekoen errealitatera egokitu beharrekoa.

Iturria: bebesymas.com

Advertisements
Post hau Guraso Elkartea atalean publikatu zen. Gogokoetara gehitzeko lotura iraunkorra.

Utz diezaiegun autonomoak izaten: Montessorin taula, adin bakoitzean zer egin dezaketen jakiteko -ri erantzun bat

  1. Eva-k dio:

    Interesgarria! Eskertzen da horrelako informazioa.

Utzi erantzuna, mesedez

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s