Baloirik gabeko egunak Iturburun

Duela bi urte galdeketa bat egin zen Iturburuko neska-mutilen artean. Gure ikasleei galdetu zitzaien nola ikusten zuten jolastokiaren erabilera eta jolas orduetako giroa, eta ea zer aldatuko zuten. Hori guztiori idazlanen bidez eta marrazkien bidez landu zuten Iturburuko ikasleek, adinaren arabera. Ikasleen erantzuna jasota, argi zegoena zen, patioaren erabilera berrantolatu beharra zegoela, eta ondorengo helburuak lortu behar zituela ikastetxeak:

  • Espazioen banaketa orekatua ziurtatu, ikasle guztiek espazio guztiak erabiltzeko aukera izan dezaten. Jolastokia denona da.
  • Patioa “espazio hezigarri” bihurtzea.
  • Jolas, joko eta txoko desberdinak probatzea eta zabaltzea.
  • Haurren artean, kirol batzuen eraginez sortzen diren hierarkiak eta gatazkak modu aberasgarrian berbideratzea. Lidergoak orekatzea eta ikasle guztien integrazioa sustatzea.

Berrantolaketa hori egiteko hartu zen erabakietako bat izan zen “baloirik gabeko egunak” ezartzea jolastokian. Kanikak eta pilotak erabili daitezke, baina ez baloi handirik (eta ezin da ezta talde-kirolik egin esku-pilotekin edo paperez egindako “baloiekin” ere).

Iturburu jolas ordua

Iazko ikasturtean eman ziren lehenengo urratsak, eta aurtengoan (2016-2017) jarraitu dugu ildo berean lanean. Jolas berriak eta txoko berriak probatzen eta zabaltzen ari dira irakasleak. Jostailu eta material berriak ere lortu ditu ikastetxeak.

Hurrengo ikasturteetan ere bide berean jarraitzeko asmoa dago, goian aipatutako helburuak lortzeko: espazioen banaketa orekatua, jolas ordua ere gune hezigarri izatea, guztien integrazioa, eta abar. Hauxe da datozen urteetarako egutegi probisionala:

  • 2016-2017 ikasturtean: 1. eta 2. mailako ikasleek bi egun dituzte baloirik gabe (asteazkena eta ostirala); beste mailetako ikasleek asteazkena soilik.
  • 2017-2018 ikasturtean: 1.-4. mailetako ikasleek bi egun izango dituzte baloirik gabe (asteazkena eta ostirala ) eta 5.-6. mailetakoek bat ( asteazkena).
  • 2018-2019 ikasturtean: maila guztietako ikasleak astean birritan arituko dira patioan baloirik gabe.

Esan bezala, egun horietan baloirik ezin da jaitsi jolastokira, baina bai esku-pilota eta kanikak, beste jolas batzuen artean. Eskolak dagoeneko prest ditu sokak, gomak, boloak, dianak, frisbeeak, eta beste hainbat joko eta jolas ere.

Egitasmo honetan bat egin dute Ikastetxeko Zuzendaritzak, Organo Gorenak eta Guraso Elkarteak. Uste dugu gure seme-alaben onerako izango dela jolastokiaren berrantolaketa.

 

 

Advertisements
Post hau Berriak, Mogel ikastola atalean publikatu zen. Gogokoetara gehitzeko lotura iraunkorra.

Utzi erantzuna, mesedez

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s