“Zer egin dezakegu gure seme-alabek euskara erabil dezaten?” (Oso hitzaldi interesgarria, ostegunean Mogel Isasin)

Datorren ostegunean, martxoak 30, oso hitzaldi interesgarria izango dugu Mogel Isasi ikastetxean. Karmelo Ayestak (Zeberio, 1963) emango du hitzaldia, arratsaldeko 18.30etan. Hitzaldiaren izenburua: “Zer egin dezakegu gure seme-alabek euskaraz egin dezaten?“.

  • Lekua: Mogel Isasi
  • Ordua: 18.30
  • Hizlaria: Karmelo Ayesta

Ayesta ingeniaria da, eta euskaldun berria. Oso modu ameno eta erakargarrian, Ayestak hainbat klabe emango dizkigu gazteen euskararen erabileraren inguruan nola eragin dezakegun. Hizkuntz ohitura berriak barneratzea aldaketa pertsonal sakona da. Ikuspuntu horretatik aztertuko du euskalduntze-prozesua solasaldian, eta galdera hori erantzuten saiatuko gara elkarrekin: zer egin gure seme-alabek euskara gehiago egin dezaten?

Ayestak, Bilboko Ingeniaritzako Goi Eskola Teknikoan ikasi ondoren, automobilgintzako zenbait enpresetan lan egin du urte askoan, Euskal Herrian zein atzerrian. Duela urte batzuk, euskaldun izatea erabaki zuen, eta euskara ikasi zuen. Harrezkero, euskararen erabilera areagotzea izan du bere asmo nagusien artean. Ibilbide pertsonal horren ondorio da “Goza daiteke gehiago. Euskaldun baten hizkuntza-bidaia” liburua, eta haren ondorioz han eta hemen ematen ari den hitzaldiak.

Euskarara hurbiltzeko proposatzen duen modu berritzaileagatik da ezaguna Ayesta. Euskararekin gozatu beharra da bere proposamen nagusia, eta positibotasunez ekin behar diogula euskararen aldeko ekimen guztietan.

Gurasoei zuzendutako hitzaldi horrekin batera, Ayestak beste hitzaldi bat ere emango die aste honetan Mogel Isasiko ikasleei, non euren hizkuntza-ohiturak aztertuko dituzten, eta gaztelaniaz hitz egiteko duten ohituraren inguruan hausnarketa egingo duten.

…………….

Karmelo Ayesta ofrecerá una charla en torno a la actitud acerca del euskera, tema central de su reciente libro titulado “Goza daiteke gehiago Euskaldun baten hizkuntza-bidaia”. En la charla, bajo el epígrafe “Zergatik ez aldatu euskararekiko jarrera? Zertarako?”, el autor explicará cómo realizó su viaje particular hacia la vida en euskera y por qué anima a la gente a que también lo haga. Ayesta sostiene que él lo hizo por integridad, por coherencia: “si me denomino euskaldun me corresponde hablar en euskera y vivir en euskera” y también por una cuestión biológica: “Si yo quiero que el pueblo del euskera vaya hacia delante, la postura más eficaz será hablar y vivir en euskera”.

 

“GOZA DAITEKE GEHIAGO, euskaldun baten hizkuntza-bidaia”

Horixe da Ayestaren liburuaren izenburua. Euskal hiztunok gure hizkuntzaren erabilera  erraz handitu dezakegula erakustea du helburu.

Aldaketa sakona da hizkuntz ohitura berria barneratzea. Batzuetan pentsatu izan da gaitasuna lantzea nahikoa dela euskararen erabilera sustatzeko, baina erabilerari buruzko datu estatistikoek agerian jarri dute bide berriak jorratu beharra dagoela. Liburu hau, batez ere, euskalduntzearen gaineko hausnarketa originala da.

Baina liburu hau ez da hausnarketa hutsean geratzen, Izan ere, aldi berean, erabilera sustatzeko proposamena ere bada. Horretarako, hainbeste landu den soziolinguistikako ikuspegitik urrunduta, hainbat jakintza-arlotako ideiak hartu ditu autoreak. Azken finean, hizkuntz ohitura berria barneratzea hobetze-prozesua baino ez da, autorearen iritzian.
Teoriak probatzeko, bere buruarekin esperimentatu du autoreak, eta bizipenak narrazioen bidez azaltzen ditu. Euskararen gaineko hainbat aurreiritzi topatu ohi dira euskalduntze-bidean. Horiei azala kendu, eta mamia ustel duten edo ez ikusten da liburuan

 

 

 

Advertisements
Post hau Berriak, Ekitaldiak, Guraso Elkartea atalean publikatu zen. Gogokoetara gehitzeko lotura iraunkorra.

Utzi erantzuna, mesedez

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s